కరిగిపోయిన కలలరూపం - చెంతచేరిన ఎంతహాయీ ||
మూగబోయిన మధురవాణియ - పెదవివిప్పిన ఎంతహాయీ ||

ఙ్ఞాపకాలే నిధులుఅయితే - గాయఘటనలు మరువలేమే
వెంటవచ్చే వేదనంతా - చెరిగిపోయిన ఎంతహాయి||

కాలమెంతటి కఠినమైనదొ - పసితనాలకు శిక్షవేస్తూ
చిలిపినవ్వులు మాలగుచ్చుతు - కానుకిచ్చిన ఎంతహాయీ ||

నిన్నమొన్నలు మసకబారక - మనసులోనే నడుస్తున్నవి
చేదునింపిన చరితలన్నీ - చెరిగిపోయిన ఎంతహాయీ ||

పలకరింపులు జ్ఞాపకాలే - బంధాలన్ని ప్రశ్నలైనవి
గమనమంతా గతములోనే - సంచరించిన ఎంతహాయీ ||

రాలుతున్నవి అక్షరాలే - మౌనమైనవి భావఝరులే
మూగబోయిన ఆశలన్నీ - మురిసిపోయిన ఎంతహాయీ ||

చింతలన్నీ విసుగుచెెందితె - చరమగీతం పాడమంటిని
నవ్వులోకం హత్తుకుంటూ - స్వాగతించిన ఎంతహాయీ ||
....వాణి,