మదిమోసే సంద్రంలో గాధలెన్ని ఉన్నాయో ||
పల్లవించు రాగాలకు పదములెన్ని కూర్చాలో
పడిలేచే తరగల్లో చినుకులెన్ని ఉన్నాయో ||
చుట్టలేని ఆకాశం శూన్యానికి చిరునామా
చీకటిలో వెన్నెలలో చరితలెన్ని ఉన్నాయో ||
నీడలతో చెలిమేగా నిందించకు నిశీధిని
నీ అడుగుకు తోడునడచు మిణుకులెన్ని ఉన్నాయో ||
సంతోషమొ దుఃఖమో పదిలమైన ఙ్ఞాపకమే
గతమంతా మరపురాని ఘటలెన్ని ఉన్నాయో ||
కనుపాపకు నివేదించ కరిగిపోని ఆవేదన
మౌనవాణి గుండెల్లో మలుపులెన్ని ఉన్నాయో ||
ఊహచేయు వింతలెన్నొ ఉనికిచాటి విసిగిస్తూ
విరామమే లేని మనసు తలపులెన్ని ఉన్నాయో ||
.......వాణి,
No comments:
Post a Comment