గగనాన చేరిన నీ ఆత్మ రూపం నిశ్వాస హాసం పరుస్తు ఉంది ||
చుక్కలతొ చెలిమిగ ఓ కిరణ బాష్పం ఓదార్పు నవ్వులు రాలుస్తు ఉంది ||

కన్నీటి కొలిమిలొ కలతెంత కురిసిన గుండెల్లొ రగిలే తపనాగి పోదెం
చెక్కిళ్ళ చెలిమితొ దుఃఖాల భారం విధిలేని మరకను పరుస్తు ఉంది ||

నిదురించలేని రేయంత మోస్తూ మదిలోన గాయం శూన్యంలొ చూపు
ఓ నవ్వు శబ్దం నా గుండె తడిలో కల చెదిరిపోతూ కలుస్తు ఉంది ||

అరుదైన అలకలు తీరైన బాధలే మిణుకంత మెరుపును నే గెలవదేం
చేయొదలిపోతు మనసంతగెలిచి ఆత్మీయభారం కురుస్తు ఉంది ||

ఉలికులికి పడుతూ మేనంత అలజడి నిన్నల్లో నిలిచిన నీ స్పర్శ తాకిడి
కొండంత అండ చెదిరింది రాలుతూ పెదవిరుపు తడిని విరుస్తు ఉంది ||

నిశీధి ప్రళయం వెలుగోడిపోతూ పవళింపు జాడలు వెతుకుతువుంది
ఓ మధురవాణీ తను మూగబోతూ తిమిరంపు తడిలో తడుస్తు ఉంది ||
.
......వాణి కొరటమద్ది