జ్ఞాపకాలే పరిమళాలై రాలిపోయెను నేస్తమా ||
విచ్చుకున్నవి ఊహలెన్నో విరిగిపోయెను నేస్తమా ||

నీవులేనిదె లోకమందున నిలువలేనిక క్షణముకూడా
కాలమింకను కదలనన్నది ఓడిపోయెను నేస్తమా ||

వెలితి గుండెను వేడలేనిక వెలుతురునిక వెతకలేను
వెలిగి పోయిన నిన్నలన్నీ వడలిపోయెను నేస్తమా ||

ఒంటరైతిని ఓడిపోతిని నీవులేకనే నిలిచిపోతిని
అలసి ఉన్నది మనసుకూడా వెలసిపోయెను నేస్తామా ||

రెండుగుండెల హృదయభాషను మధురరచనగ నిలిపినాను
తనువు తపనతొ తల్లడిల్లుతు తరలిపోయెను నేస్తమా ||
......వాణి,