స్నేహంగ తీరాలు కలిపేది సాగరం ||
వాణిజ్య బంధాలు నెరిపేది సాగరం ||

కెరటాల సయ్యాట తీరాన్ని తాకుతూ
ఆనంద సందడులు పంచేది సాగరం ||

ఉప్పెనలొ ఉగ్రంగ ఊళ్ళన్ని ముంచేెను
కన్నీటి కథలెన్నొ మింగేది సాగరం ||

స్వచ్ఛంగ ముత్యాలు పూరించు శంఖాలు
ఆశ్చర్య నిధులెన్నొ దాచేది సాగరం ||

మనసంత మౌనంగ వేదనగ మారింది
ఓదార్పు ఉదయాన్ని తెరిచేది సాగరం ||

నదులతో తనచెలిమి సంధాన మౌతుంది
ఏటిలో పరవళ్ళు కలిసేది సాగరం ||

కన్నీటి నావలో తెరచాప నేనైతె
గుండెల్లొ ఘోషగా పలికేది సాగరం ||
........వాణి కొరటమద్ది