చీకటి ఛాయలు లేకే పోతే రంగులు మారే రోజే ఉండదు ||
వెలుతురు ఉనికే తెలియక పోతే వేకువ కర్ధం తెలిసే ఉండదు ||
శూన్యంతోనే స్నేహం అయితే మౌనం భాష్యం పలుకును నిజమే
మనసుకు గాయం తాకకపోతే గేయం గాథలు తెలిపే ఉండదు ||

ప్రకృతి దృశ్యం అందమైనదే సృష్టికి ప్రణతులు చేయ్యాలి
జీవిత చక్రం కాలం కదలిక మనుగడ నడకలు నేర్చే ఉండదు ||
ఆశయాలతో అడుగులు వేస్తే నిరాశ కసలే చోటు లేదులే
సంకల్పాలే ఊపిరి అయితే ఓటమి కెపుడూ అలుపే ఉండదు ||
ఙ్ఞాపకమంతా మధురం అయితే నిశ్శబ్దంపై నిందలెందుకు
గుర్తులలోనే సంచరించుతూ మౌనవాణికీ మరుపే ఉండదు ||
......వాణి కొరటమద్ది