దాహం...

మండుటెండలో
తడిఆరిన గొంతులు మావి
గుక్కనీటికై
మైళ్ళ దూరానికి పరుగులు పెట్టడడమే నిత్యవిధి

అడుగులు భారంగా కదలాల్సిందే
ఎండమావులతో చెలిమి చేయవలసిందే
తాగేనీరు కరువైనా
కొదవలేని చెమటచుక్కలు
తడవని నేలకు ఆదరువౌతూ
కన్నీటి చుక్కలు
నడకలు అలసిపోతున్నా
పదముల పరుగులాగవు
ఆకలిని సర్దుకొమ్మన్నా
దాహార్తికి ఉరకలు తప్పవు
మారుతున్న ప్రభుత్వాలెన్నో
మారని మామూలు మనుష్యుల జీవ చిత్రాలు
నిలబడిన భవానాల కింద
నలిగిపోయిన పచ్చదనాలు
కుచించుకు పోయిన అడవులు
కాంక్రీటుగా మారిన పల్లె అందాలు
కాలుష్య కోరలలో బందీ అయిన ప్రకృతి
సగటు అవసరాలకు సైతం
సతమతమౌతూ జీవ జగతి...!!
....వాణి,