నీ ప్రేమల సంద్రంలో ఈదుతూనె ఉన్నాను ||
మనసుతోన పోరాటం సలుపుతూనె ఉన్నాను ||

ఎడబాటుల వేదనతో వేగలేక పోతున్నా
చీకటైన నీ జాడలు వెతుకుతూనె ఉన్నాను ||

శూన్యంలో నీ రూపం నా కోసం వెతికిందా
నీ నీడే తెరచాపగ దాగుతూనె ఉన్నాను ||

ఉప్పెనలో ఊహల్లో ఉలికిపాటు ధ్యాసల్లో
నీవే నా లోకంగా సాగుతూనె ఉన్నాను ||

మధురవాణి మౌనంగా అనుభూతులు రాల్చిందీ
ఆలాపన ఆలోచన చిలుకుతూనె ఉన్నాను ||

నిశ్చలమై నీ చూపులు నిశ్శబ్దాలు కురిశాయి
నీవంతా నేనౌతూ మిగులుతూనె ఉన్నాను ||
........వాణి,