చీకటులను చెరిపలేని మెరుపును చూపించలేను ||
కన్నీళ్ళను రుచిచూడని మనసును చూపించలేను ||
అమావాస్య రాత్రిలోన అద్దమెలా చూడాలీ
నిశీధిలో చందమామ పరుగును చూపించలేను ||

ఊహించని గాయాలకు ఊతమెలా వెతకాలీ
నలుగుతున్న వదనంలో నగవును చూపించలేను
అడుగు కదిపి సాగాలి దూరాలను చేరాలీ
నిలబడితే గమ్యానికి నెలవును చూపించలేను ||
చుట్టుకున్న తిమిరాలకు తడబాటులు తప్పలేదు
చమురులేని ప్రమిదలోన వెలుగును చూపించలేను ||
కాలానికి సంకెళ్ళను వేయుటెలా సాధ్యమూ
మరుజన్మల పుట్టుకలో రూపును చూపించలేను ||
.....వాణి,