http://picosong.com/GrRb

చరితంతా తవ్విచూడ ఆరిపోని కన్నీళ్ళే ||
బ్రతుకంతా తడిమిచూడు ఆగిపోని కన్నీళ్ళే ||
అందమైన రూపానికి మెచ్చుకోలు పరిచయం
కదులుతున్న శిలవేగా కరిగిపోని కన్నీళ్ళే ||
అనాదిగా ఆడతనం అవసరాల సావాసం
చీకటిలో దాచేసే చెరిగిపోని కన్నీళ్ళే ||
చెమటచుక్క కంటిచుక్క రాలిపడే జీవయాత్ర
కంటకాల కొలిమిలోన అరిగిపోని కన్నీళ్ళే ||
ఆకాశం నీదంటూ అవనివంటె నువ్వంటూ
తొడుగుతున్న కిరీటాలు ఓడిపోని కన్నీళ్ళే ||
అమ్మవంటి కమ్మదనం అతివకెంత అదృష్టం
మురిపాలతొ మురిసిపోతు అలసిపోని కన్నీళ్ళే ||
బంధాలను పెనవేసిన బాధ్యతలకు బందీగా
వినిపించని వాణి నీది వీడిపోని కన్నీళ్ళే ||
.....వాణి,