వెలుతురింటికి దారి వెతుకుతు వెడలుతున్నది ఎందుకో ?
కలల కోరిక చీకటింటికి చేరుతున్నది ఎందుకో ?
.
ఎన్ని క్షణములు తరలి పోయెనొ లెక్కలేనిది మౌనమైతే
అనుభవాలను మాలగుచ్చితే తడుముతున్నది ఎందుకో ?
.
విశ్రమించవు కంటిరెప్పలు చూపుతీరం చేరుదాకా
గమ్యమేమిటొ అంతుచిక్కదు సలుపుతున్నది ఎందుకో ?
.
కలవలేనివి బాటలెన్నో దూరమెంతగ అలసిపోవునొ
వలసపోయెను మమతలన్నీ వడలుతున్నది ఎందుకో ?
.
పొగిలి ఏడ్చిన జ్ఞాపకాలే మౌనమైనవి మరలిపోతూ
గుండె చెరపని గుర్తు ఏమిటొ చెదురుతున్నది ఎందుకో ?
.
.......వాణి,