ఊపిరాగి పోతే నా ఉనికైనా ఉండనీ ||
గమనమాగి పోతే ఓ గెలుపైనా ఉండనీ ||
చీకటికే చిరునవ్వులు కానుకగా ఇచ్చేస్తే
చెక్కిలిపై ఆ మెరుపుల మరకైనా ఉండనీ ||

కన్నీళ్ళతొ కవనాలను బంధించే ఉంచానా
కావ్యంలో నాయికగా నన్నైనా ఉండనీ ||
రెప్పలపై తడితలపులు చెరపలేక పోతున్నా
నిదురించే కనుపాపలొ నవ్వైనా ఉండనీ ||
స్వప్నాలే మెలుకువపై అలిగి వెళ్ళి పోయాయా ?
కలలలోన మురిపాలను క్షణమైనా ఉండనీ ||
నిశీధిలో మధురమైన భావంగా మిగిలానా ?
మౌనవాణి పదములలో తలపైనా ఉండనీ ||
......వాణి,