జ్ఞాపకం గాలిగా చేరింది మనసులో..!
ఓదార్చు నిట్టూర్పు చరిచింది మనసులో..!

గగనాన ఓ తార నను చూసి నట్లుంది
తనరూపు తచ్చాడి మెరిసింది మనసులో..!

నీ స్పర్శ ఉనికేదొ తారాడి శూన్యంలొ
ఉలికిిపడి తనువంత తడిమింది మనసులో..!

నిను గెలుచు కాంక్షలో నేనోడి పోయాను
నిన్నల్లో నీ ప్రేమ నిలచింది మనసులో..!

తడి ఇంకి పోనట్టి నా మధుర భావాల
వేదనే కన్నీళ్ళు కురిసింది మనసులో..!

కాలాన్ని భారంగా కదిలిస్తు ఉన్నాను
అక్షరం వెంటాడి మురిసింది మనసులో...!