దుఃఖాల పరదాలు తీసేసి వెళ్ళు ||
కాసిన్ని హాసాలు విసిరేసి వెళ్ళు ||

శోధించు ఆశలో కంటినే తాకవా
చూపుల్లో కాంతుల్ని నింపేసి వెళ్ళు ||

కన్నీళ్ళు కురిసింది లోతుల్లొ ఙ్ఞాపకం
అనుభూతి అందాలు పంచేసి వెళ్ళు ||

సంతోషమరుదుగా దొరికింది తెలుసా
ఆనంద అమృతం ఒంపేసి వెళ్ళు ||

నటనలో నవ్వుల్ని ఏరుకుంటున్నా
ఓ నవ్వు తెమ్మెరగ వీచేసి వెళ్ళు ||

నిన్నలన్ని నా వెంట నడచొస్తు ఉంటే
వేదించు చిహ్నలు సరిచేసి వెళ్ళు ||

వాణినే మౌనమూ పలుకులే పదిలమూ
మాటల్ని మధువుగా రాల్చేసి వెళ్ళు ||

.....వాణి కొరటమద్ది