కావాలని

అలిగి వెళ్ళి పోయాయి అక్షరాలు
అలసిన మనసుకు ఓదార్పునివ్వలేక

మౌనమైయ్యింది మానసం
అంతరంగ లోతుల్ని అందుకోలేక
చీకటి నిట్టూరుస్తోంది
శూన్యం శత్రువైయ్యిందంటూ
అలజడి ఏమిటో అర్ధం కావడంలేదు
అంతుచిక్కని అంతఃసంఘర్షణ
బాధకు బంధువునే ఎప్పుడూ
బంధాల ముసుగును తొలగించలేక
ఎన్ని చిత్రాలో బ్రతుకులో
విముక్తి కాలేని వింత గమనాలు
కాలానికి బానిసనే
కదలక తప్పని అడుగులతో
ఇప్పుడు కొన్ని అక్షరాలు కావాలి
కన్నీళ్ళు తుడుచుకోవాలి..!!
.....వాణి