బ్రతుకు ఆట ముగిసేపోతె మరలొస్తుందా ఏమైనా ?
జ్ఞాపంకంగ మిగిలేపోతె తరలొస్తుందా ఏమైనా ?
.
ఆశవీడదు అంతమవ్వదు ధనమే కాంక్ష కాదా ?
చివరి ప్రయాణం చిత్రమేమిటో తెలిసొస్తుందా ఏమైనా ?
.
పరిమళమద్దిన నిన్నటిపువ్వు మట్టిలొఇమిడే పోవుకద
కొత్త మొగ్గకు తావు ఇవ్వక వికసిస్తుందా ఏమైనా ?
.
సూర్యతేజము జీవనచట్రం ఆగిపోవున ఉప్పెనొచ్చిన
వేదన మనసును నలిపేస్తుంటే నవ్వొస్తుందా ఏమైనా ?
.
ఎగిసే అలలకు పారే నదులకు తీరం పాఠం నేర్పాలా
జారినమాట తరలిన కాలం తిరిగొస్తుందా ఏమైనా ?
.
తలరాతంటు తలపోస్తుంటే ఓటమి మిగిలే పోవుకద
శక్తికి ఊతం ఇవ్వకపోతె గెలుపోస్తుందా ఏమైనా ?
.
మధుర వాణియ పెదవిమాటున మౌనంగానె ఉంటోంది
నిశి రాత్రులపై నిందలువేస్తె వెలుగొస్తుందా ఏమైనా ?
.
...............వాణి కొరటమద్