ఎడబాటులు భారమౌను ఓపలేను ప్రియతమా ||
తడబాటుల బ్రతుకునావ నడపలేను ప్రియతమా ||

క్షణమైనా నీ దూరం కలనైనా కనలేదె
నీవులేని చూపునసలు కదపలేను ప్రియతమా ||

మౌనమైన మందలింపు తలవంచితి నేస్తమా
తచ్చాడే మదిని వీడి తరల లేను ప్రియతమా ||

చెలిమి తలపు వీడబోను చెదిరిపోవు చిరునవ్వె
అలుకలపై చిరు కోపము తాళ లేను ప్రియతమా ||

అంతరంగమంత నీవె అలుపు లేని సందడులె
నీవులేని నిశ్శబ్దాలు మోయలేను ప్రియతమా ||

చీకటసలె చేరదేమి వెన్నెలంత మౌనమై
శిధిలమౌతు మధురవాణి పలుక లేను ప్రియతమా ||
.......కొరటమద్ది వాణి,