కునుకుతాకి కనుపాపకు కల ఏదో దొరికిందీ ll
నిశ్శబ్దం బద్దలౌతు పలుకేదో దొరికిందీ ll

మనసు మాలల్లల్లుతోంది మౌనవాణి ఙ్ఞాపకాలు
అక్షరాల లాలనలో శాంతేదో దొరికిందీి ll

ఓ నవ్వుల శబ్ధమేదొ నన్నుతాకి వెళుతోంది
చూపులకే వెలుగునిచ్చు కాంతేదో దొరికిందీ ll

దూరంగా వుంటోంది దగ్గరగా రమ్మంటూ
స్వప్నాలను స్పర్శించని వరమేదో దొరికిందీ ll

అభిమానపు సంపదలే అడుగంటెను నేస్తమా
భావాలకు ప్రాణమిచ్చు కలమేదో దొరికిందీ ll

కాలానికి పరదాలను కప్పివుంచ లేముకదా
ఎదురుచూపు మౌనానికి ఆశేదో దొరికిందీll
.........వాణి కొరటమద్ది