కనుపాపకు కాంతులనె - తొడగాలని అనుకున్నా ||
నిశీధులో నిట్టూర్పులొ- ఏమైనా ఎదురైనా
అడుగులన్ని వెలుతురులో- సాగాలని అనుకున్నా ||
అంతులేని ఆకాశపు - వీధులలో విహరిస్తూ
వెన్నెలగా నేనంతా - మెరవాలని అనుకున్నా ||
నలుపైతే నేమైనది కనులలోన అందాన్నే
రెప్పలపై కాటుకగా కరగాలని అనుకున్నా ||
దిశలన్నీ తారాడితి - నీ ఉనికే తెలియలేదు
వేలుపునే వేదనగా - వేడాలని అనుకున్నా ||
ధ్యాసంతా నీపైననే - జరపలేను కాలాన్నీ
దుఃఖానికి పరదాలను - కప్పాలని అనుకున్నా ||
మౌనవాణి మానసమే - అంతులేని కలవరమే
కన్నీళ్ళను కావ్యంగా - మలచాలని అనుకున్నా ||
స్వర్గంలో నీ వుంటే - అందలేని ఆరాటం
కరిగిపోని కలలాగా - మిగలాలని అనుకున్నా ||
.......వాణి,
No comments:
Post a Comment