వేదనంత వెలుతురుగా - మారుతూనె ఉండాలి ||
సంకల్పమె సమరంగా - సాగుతూనె ఉండాలి ||
చిట్లిపడే కన్నీళ్ళవి - చిందిపడెను భావంగా
తడిజాడలు ఎదలోతున - చెరుగుతూనె ఉండాలి ||

రెప్పలెపుడు తడిదుప్పటి - కప్పుకునే ఉండవులే
నులివెచ్చటి ఉదయకాంతి - చేరుతూనె ఉండాలి ||
కనుపాపను తాకలేని - కలలెన్నో మెలుకువలో
చిరునవ్వులు బాష్పాలుగ - రాలుతూనె ఉండాలి ||
అనుబంధం అనుభూతిలొ - పదిలమై పోనుందా
మమతస్పర్శ మాధుర్యం - పంచుతూనె ఉండాలి
కఠినమైన క్షణమైనా - కరిగిపోక నిలువదులే
కాలమెపుడు సౌమ్యంగా - గడుపుతూనె ఉండాలి ||
మౌనవాణి పోరాటం - నిశీధితో నిరంతరం
చీకటిపై వెలుగురంగు - అద్దుతూనే ఉండాలి ||
......వాణి,