చిరునవ్వు సందడిని చెరిపేది గాయం ||
చీకటిని చిత్రంగ చుట్టేది గాయం ||

అపురూప రూపాన్ని మింగింది కాలం
వేదనను మౌనంగా మోసేది గాయం ||

ఆశల్ని అలసుగా తుడిచేసి పోతూ
కన్నీటి నదిలోన ఈదేది గాయం ||

ఓ భ్రాంతి కాంతికై తడుము కుంటోంది
గుర్తులతొ గుండెల్ని పిండేది గాయం ||

అశ్రువులు అలిశాయి చింతల్ని మోసి
దుఃఖాల నావనే నడిపేది గాయం ||

రహదారి అందమే ఆనంద నడకలో
అదృశ్య మైపోతె మిగిలేది గాయం ||

శూన్యంలొచూపులే తచ్చాడుతున్నా
నిశిలోన వాణిగా చరిచేది గాయం ||
.......వాణి కొరటమద్ది